joxemi zumalabe

fundazioa

  • Increase font size
  • Default font size
  • Decrease font size

"Dabilen harriari..." salmenta lekuak

E-posta Inprimatu PDF fitxategia

Zuetako asko galdetzen ari zarete nun eskuratu daitekeen "Dabilen harriari goroldiorik ez" liburuxka. Momentuz honako salmenta lekuatean duzue eskuragarri:

Bizkaia:

- DDT Banaketak (Bilbo)

- Zirika Gunea (Bilbo)

- Anti liburudenda (Bilbo)

- Astra (Gernika)

Gipuzkoa:

- Hontza liburudenda (Donosti)

- Kaxilda liburudenda (Donosti)

Araba:

- Zapateneo liburudenda (Gasteiz)

Nafarroa:

- Katakrak gunean (Iruñea)

Elkarren ere topa dezakezue.

 

Ikastaroa UEUn

E-posta Inprimatu PDF fitxategia

Herrigintza eta formakuntza politikoa.

Kaixo! Hemen duzue aurten UEUn antolatuko dugun ikastaroari buruzko informazioa. Badakizue, izena ematkeko zuzen zuenean UEUko web orrira jo dezakezue!

 

Egungo gizarte eredua eraldatzeko gai izango den herrri mugimenduaren eta berau osatzen duten aktibisten formazioan nola egin aurrera? Zeintzuk dira EHan arlo honetan ditugun hutsune eta indarguneak? Eta etorkizuneko erronkak?

Herri mugimenduok gure lan gaitasuna indartu eta biderkatzeko gogoeta eta elkarlanaz gain, gure burua bitarteko ezberdinez hornitzeko beharra ez dugu berri. Hortxe kokatzen dugu alegia formakuntzaren premia zahar-berria. Formakuntza politikoa, historikoa (transmisioa), metodologikoa, teknologikoa, emozionala… ez dira gutxi gure ustez formakuntza bidez landu beharreko liratezkeen eremuak. Izan ere, formazioa eta trebakuntza ororen abiapuntua kide guztien jakintza eta gaitasunak balioan jartzea dela uste dugu. Eta, oraindik orain, ez gara beti gai izaten taldeek izaten dituzten jakintza eta gaitasun guztiak balioan jartzeko. Formazioak, beraz, multidimentsionala behar duela izan proposatzen dugu, ez baitira gutxi talde bizitzan eta militantzia lanetan aritzeko beharrezkoak diren jakintza eta gaitasunak. Baina horrez gain, formazio askatzaile batek zein ezaugarri gehiago izan beharko lituzke?

Gai honen inguruko ber-pentsatze kolektiborako gonbidapena egin nahi dizuegu ikastaro honetan Joxemi Zumalabeko kideok. Horretarako, formakuntza alorrean ibilbide eta eskarmenturik baduten eragileekin elkarlanean eta berauetatik ikasiz prestatu dugu ikastaroa. Hala ere, arlo ezberdinetan lanean diharduzuen elkartegintza eta herri mugimenduetako kideok zein herri mugimenduaren inguruan interesa duen edozein pertsonak ere guzti honi buruz zeresan handia duzuelakoan, ikastaroa bereziki zuei zuzendua dagoela esan behar dugu.

 

Goroldiorik Ez!

E-posta Inprimatu PDF fitxategia

Dabilen Harriari Goroldiorik Ez Portada

Liburu-DVDa Maiatzerako kalean izango da. Ezagutzera ematea dugu orain lan handiena, beraz. Horretarako, aurkezpen ekitaldia antolatu dugu Bilbon, HikaAteneon, Maiatzak 8an arratsaldeko 7retan. Aldi berean herrialde ezberdinetan beste aurkezpen-eztabaida bana antolatu ditugu, baina ez dira ohiko aurkezpenak izango, parte-hartzaileak izatea nahi dugu, eztabaida guneak, zalantza berriak ireki ta erantzunak asmatzeko.

Aurkezpen-eztabaidak: Maiatzak 14an (19:00) Donostian (Kortxoenea); Maiatzak 21ean (19:00) Gasteiz (Gaztetxea); Maiatzak 22 (19:00) Bilbon (La Bolsa); Maiatzak 24 (10:00) Azkainen (Gaztetxea) eta Maiatzak 29 (19:00)  Iruñean (Katakrak).

 

Dabilen Harriari Goroldiorik Ez

E-posta Inprimatu PDF fitxategia

Azken urteetan herri eragile eta herri mugimenduetako kide ezberdinen ahotik, makina bat galdera eta ezinegon jaso izan ditugu. Ez gara gu izan militantzia ereduen eztabaida mahai gaineratu dugunok, kezka hori bolo-bolo sumatu izan baitugu herri eragile ezberdinen artean. Zer gertatzen ari da aktibismo politikoarekin? Zer aldatzen ari da, zerbait aldatzen ari baldin bada? Zer dugu hobetzeko? Zer etorkizunean saihesteko? Zer dugu akuilu eta zer oztopo?

Militantzia ereduei buruzko proiektua horrela hasi genuen, kezka horiek jasoz eta horretan gehitu genezakeen hondar aletxoa zein izan zitekeen geure buruei galdetuz. Azken finean, gaia mahai gainean jartzeak ezinbesteko lanketa dakar. Punta askoko izarra baitugu, dimentsio ugarikoa. Bide horri 2012. urtean ekin genion, lan talde espezifikoa sortuz. Tirriki-tarraka oinez hasi ginen. Horretan ari ginela barne horizontaltasuna lantzeko tresna ezberdinen lanketa egiteko beharra zein gonbitea agertu zitzaigun, eta horri erantzunez beste lan talde bati sorrera eman genion.

Bi taldeok hurbilekoak diren gaiak landuz egin dugu ibilbidea. Bakoitzak berea, propioa. 2013. urtean baina, gogoetok eta lanak elkar ukitzeaz harago, gurutzatu ere egiten zirela ohartuta, bi taldeon uzta batean bildu eta aurkezten ari gatzaizuen gogoeta hau batera eraikitzea erabaki genuen. EHko hainbat herri eragile eta 200 bat banakakorekin batera 2012.urtetik 2014.urte arte burutu den gogoeta prozesua izan da hau beraz.

Bi urteko prozesuaren ostean "Dabilen harriari goroldiorik ez" izena eramango duen Liburu eta DVDa argitara emango dugu. Bi lan taldeen gogoeta idatziekin osatutako liburuxka dugu eta bestetik, gogoeta beraren osagarri eta aberasgarri diren materialez osatutako DVD-a. Azken honetan, besteak beste, herri mugimenduetako sei aktibistei egindako elkarrizketekin sortutako 40 minutuko dokumentaltxoa aurkitu daiteke. Guzti horrez gain, bi urte hauetan egindako saio ezberdinetan jasotako iritzi eta diskurtsoen bilduma, gai honetan sakontzeko baliagarri izan daitekeen bibliografia komentatua edo kolektiboetan gaia lantzeko baliagarriak izatea helburu duten tresna/dinamika zehatzak ere aurkitu daitezke.

Liburu-DVDaren aurkezpena Maiatzak 8an arratsaldeko 7retan egingo dugu, Bilboko HIKATENEOn. Zer esanik ez gonbidatuta zaudete gurekin jaioberriaren etorrera ospatzera. Irudiaren gainean klik eginda, gonbidapen gisa egin dugun bideoa ikus dezakezue.

Dabilen Harriari Gorolodiorik Ez Bideoa

 

 

   

posta zerrenda

izena:
posta e:

Txioak

By Plimun Web Design